مدام بوز… 😁في حيّ من أحياء القاهرة القديمة

مدام بوز… 😁في حيّ من أحياء القاهرة القديمة، اتولدت “بهيجة محمد علي” اللي اتعرفت بعد كده باسم “ماري باي باي” يوم 29 يوليو 1917. من يوم ما كانت صغيرة، كانت الظروف صعبة عليها، عاشت وسط أسرة بسيطة وفقيرة، لكن بالرغم من كده، اتعلمت القراءة والكتابة بإصرارها واجتهادها.
لما كبرت ودخلت مرحلة الشباب، حبت راجل شغال سجّان وكان أكبر منها بخمس سنين، اجوزها.. واشتغلت معاه في سجن النساء. لكن الحياة مبتمشيش على الهوا، حصلت خلافات بينها وبين جوزها، وقررت تنفصل عنه وتسيب شغلها في السجن بعد عشر سنين من الخدمة.
بعد ما انفصلت، لقت نفسها محتاجة شغلانة تعيش منها، وقررت تشتغل راقصة في الأفراح الشعبية، شغلانة مش سهلة، لكن كانت بتحب إنها تبسط الناس وتفرحهم في المناسبات. وفي الوقت ده، كانت لسه الظروف بتشكلها وبتغير طريقها.
وفي يوم من الأيام، الصدفة لعبت دور كبير في حياتها لما شافها يوسف بك وهبي بالصدفة في الشارع. طلبت منه إنها تمثل، ووافقت على طول وأدّاها دور كومبارس في فيلم “المهرج الكبير”. ومن ساعتها، انطلقت في عالم التمثيل.
دخلت فرقة بديعة مصابني، وبقت بتقعد مع الجنود الإنجليز في الكازينو، ولما كانت تختفي بعد ما تطلب حاجة منهم، كانوا يسألوا: “فين ماري؟” والرد كان دايمًا “ماري باي باي”، ومن هنا جه اسمها اللي اشتهرت بيه.

لمتابعة القراءة اضغط على الرقم 2 في السطر التالي 🌹