رواية المراهقة والثلاثيني كاملة الفصول “

احترمى نفسك وهاتى الفون قبل ما اخده بالعافيه

نور بعصبيه لا انت اتجننت بقا

هاتى، وقفت فى مكانى وانا مصر اشوف التليفون
نور رفضت حطته ورا ضهرها
خدته منها بالعافيه قعدت تزعق

افتحى الفون، الرقم السرى

نور بغضب مش هفتح، مش من حقك تطلع على أسرارى

اسرارك اهلا؟ افتحى الفون يا هانم قبل ما اجرجرك من شعرك

نور بتحدي انا بنت ناس يا أدهم مش جايه من الشارع وليا حقوق عليك

افتحى قبل ما اكسر عضمك!

نور، والله لو لمستنى مش هيحصل خير.

حاولت افتح الفون معرفتش، مسكتها من شعرها وجرتها ناحيتى
افتحى الفون انتى بتكلمى حد غيرى صح
كل حاجه اتكشفت افتحى الفون

نور لا مش هفتح

بكل قوتى لطمتها على وشها مره اتنين تلاته لحد ما بقها جاب دم

 

 

افتحى هموتك

انت مجنون، بتشك في؟ فى مراتك، انا هعرفك ازاى تمد ايدك عليه

انا هفتحلك الفون وبعد كده مش هتشوف وشى تانى

خدت الفون منى وعيني عليها، مفيش ثوانى وسمعت صريخ الحقينى ياماما هيموتنى

يا بنت الو….. ضربتها بالقلم الفون وقع على الأرض واتقفل

انا هموتك فعلا يا نور

بيت حماتى قريب مننا، مفيش عشر دقايق بالعربيه، قلت قبل ما توصل ههريها ضرب والى يحصل يحصل

لكن الى حصل ان اخوها مفيش دقايق وخبط على الباب، كان فى مشوار قريب من الشقه ووالدته كلمته

فتحت الباب لقيته فى وشى، نور اول ما شفته قعدت تصرخ وتلطم

عايز يموتنى يا مدحت خنقنى
مدحت راح يقرب منى، قلتلها مكانك لو قربت مش هيحصل خير
اختك بتخونى
بطلب منها تفتح الفون اشوف الرسايل بترفض، اختك بنت الأصول

مدحت بص ناحية نور وسألها دا حقيقى يانور؟

الفون كان فى ايد نور، فوجأت انها ماسكه

قالت نور الفون اهو ورمت التليفون ناحيتنا
بس.

مدحت بهدوء وهو بيمسك الفون، اتفضل ابحث براحتك، لو طلع فيه حاجه انا هقتلها دلوقتى قدامك!

إنصدمت من ثقته وبرودة اعصابه، لسه حالآ من دقيقه كان ماسك فى خناقى وكنا هنضرب بعض!

عيونه متحديه، اطرافه مرتاحه، ثبات انفعالى ناجم من ثقه تامه

مسكت الفون وقلت، مقفول برقم سرى؟

مدحت مسك الفون وفتحه، قبل ما اسأل قال بنبره كلها مكر،. كلنا فى البيت بنعرف نفتح فون نور معندناش أسرار

قعدت على الكنبه، فتشت الفون حته حته مفيش حاجه، كلها رسايل عاديه لوالدتها ومدحت ووالدها

القصه للكاتب اسماعيل موسى

بسرعه نزلت برنامج يجيب الرسايل المحذوفه من الواتس ملقتش حاجه

مدحت، ها لقيت حاجه؟

حسيت ان الدنيا بتلف بيا، انى صغير جدآ ونفسي اختفى، أخيرآ قلت مفيش حاجه!

مدحت بص ناحية نور وابتسم، بعدها بص ناحيتى، بنتنا مؤدبه واحنا واثقين فيها
شغل الشوارع والضرب ده تعمله على واحده تانيه

نور وبص ناحيتها، لمى هدومك انتى مكليش قعاد فى البيت ده

 

 

ولعت سيجاره ونور بتلم هدومها، بغلى من جوايا ومش عارف اعمل ايه؟

نور طلعت من الاوضه بتجر شنطتها قالت بسعاده انا جاهزه

سحبت سحبه من السيجاره، على فكره يا مدحت، اختك لسه بنت بنوت، من يوم الدخله رافضه انى المسها

مدحت بغضب، كفايك كذب بقا، متقول الحقيقه؟ ليه مش عايز تعترف انك ضعيف جنسيآ وان نور سترت عليك عشان متفضحكش قدامنا
اتحملت لأنها بنت أصول ودا كان جزائها

انا اسف انى أختى تسمع الكلام القذر ده بس لازم تعرف انى فى ضهرها وعارف كل حاجه

الكلام دا مش صحيح يا مدحت، اختك منعانى المسها

أدهم، كلمه واحده تانيه ومش هيحصل خير، هدخل فيك السجن
ضربتها، بهدلتها، شككت فيها كأنها واحده من الشارع
لكن انا هعرف اجيب حقها كويس

خد الشنطه من نور وجرها ناحية السلم وهى مشيت وراه، مشيت وراهم بحاول اعتذر لانى كنت غلطان، على اخر درجة سلم سمعت مدحت بيعاتب نور بصوت واطى كان واضح كده لكن مش سامع كويس، كلمه واحده سمعتها، احنا مش قولنا كفايه كده، لعب العيال ده تنسيه!

رجعت الشقه هولع من الغيظ، كسرت كرسى وطاوله، قذفت الأوانى وركلة فنجان قهوه

معقوله كل ده مجرد شك؟

نور بريئه وانا عندي وسواس؟

قعدت يومين أحرق سجاير لحد ما صدري ولع، حجزت جلسه عند دكتور نفسي عمل معايا اختبار وكانت النتيجه انى سليم مش مضطرب نفسيآ ولا عندى تخيلات

كلمة والد نور وقلتله انى هكون عندهم بعد الضهر وانى غلطان وبعتذر عن كل حاجه، والدها رفض لكن بعد اصرار وافق

خدت معايا ورد وهديه ورحت عندهم، كانو كلهم موجودين، سمعت كلام يسمم البدن، استحلمت صبرت، كلام مهين يتعلق برجولتى
بست راس نور، استجديتها ترضى ترجع معايا، حماتى رفضت نهائى
مكنش على بقها غير كلمة طلقها

بعد محاولات وفقت بعد ما وقعت على وصل امانه ب ٢٥٠٠٠٠ الف جنيه وبشروط نور

مفتحش تليفونها، متجسس عليها، مقربش منها غير لما نفسيتها ترتاح وتهدى، مضغطش عليها، ما امدش ايدي عليها مره تانيه ابدا ولو حصلت حاجه اكلم والدها
اني اسمح لها بالخروج زى اى ست عاديه من غير ما اراقبها

سمعت كل ده ووافقت عليه، كنت غلطان ومعترف بغلطى وكان عليه انى اتحمل نتيجة تسرعى وشكى وفى النهايه انى اتأكد أن نور مش زى ما هما فاكرين وان وراها سر حقير

رجعنا على شقتى كلنا، العيله كامله، وحضرو العشا معانا والسهره مشيو تقريبا الساعه ١١ بالليل

من غير كلام بعدها نور دخلت اوضتها وقفلت الباب وراها، قلت فى سري ماشي يا نور

اسماعيل موسى كاتب القصه

استنيت يوم عدا وبصنعة لطافه قلت نور انا اسف وانتى لازم تخرجى تغيري جو
كنت ناوى احط كاميرا سريه فى غرفة النو

نور بصت فى عنيه شويه وقالت مش دلوقتى، لما احب اخرج هخرج يا أدهم

مر يومين وانا بسمع وشوشتها فى الفون، كلامها بصوت واطى، ضحكاتها، كنت هجنن

بطلت اراقبها ولا اتعقب حركاتها، كنت بسمعها تتكلم فى الفون مبصش عليها، لحد ما جه اليوم إلى لقيت فيه………

لقيت نور بتتكلم فى التليفون فى الصاله على راحتها جدآ كنت لسه راجع من الشغل وكان فات اسبوع على الحوار بتاعنا، دخلت وقعدت وولعت سيجاره سمعتها بتقول، لا مش هتأخر، مسافة الطريق
سيبك منه ميقدرش يعمل حاجه

نور خلصت المكالمه وقالت انا خارجه

 

 

يسألها رايحه فين؟

قالت هقابل هند صاحبتى

مسكت نفسى بالعافيه،هند دى اكتر واحده بكرهها من صاحبتها وكنت حذرتها انها تقطع علاقتها بيها فترة الخطوبه، بنت مش كويسه،بتاعت خروجات ورقص، تحسها كده العوبانه ومش سالكه

نور كانت قطعت علاقتها بيها فعلآ، ليه دلوقتى قررت ترجع كل حاجه تانى؟

بتحاول تضايقنى ولا مجرد عند؟

نور بعد ما قالت هقابل هند وقفت لحظه مستنيه ردة فعلى، انا مفتحتش بقى

سألتنى بسخريه، عايز حاجه؟

لا، ترجعى بالسلامه، الفون رن تانى، نور دخلت اوضتها والفون على ودنها

لا يابنتى قلتلك خلاص معدش فيه منه ده، براحتى، ميقدرش يعمل حاجه

انا فى الطريق اهو

خرجت وقفلت الباب وراها، كنت مجهز كل حاجه، كاميرا صغيره مش باينه حطتها فى مكان يكشف السرير، كان املى انها تلقط اى محادثه او حركه من نور، تأكدت ان الكاميرا متوصله كويس، وقبل نور ما ترجع خرجت عشان أبين انى مش مهتم ولا بفتش وراها

كلمتنى نور اول ما رجعت بتسألنى انت فين؟

قلتلها انا فى مشوار ومش هرجع غير بعد نص الليل

نور سكتت شويه، الوقت كان عصر، قالت بنبره فيها شك هتفضل بره كل ده؟

قلتلها اه خدى راحتك ومتقلقيش عليا

صمتت نور شويه تانى، اخد راحتى؟
قلت قصدى يعنى متقلقيش

نور بنبره غير معروفه ماشي يا أدهم

فضلت بره ملطوع على القهوه لحد نص الليل ورجعت على الشقه
فتحت الباب لقيت الشقه مقلوبه، حيطان مكسره، دبش وطوب على الأرض، تراب فى كل مكان، تحس ان فيه انفجار حصل فى الشقه

جريت على أوضة نور كانت مفتوحه، بسألها نور حصل حاجه فى غيابى؟! الشقه مدمره؟

وهى نايمه على السرير قالت لا مفيش غيرت الكهربه بتاعت الشقه كانت قديمه ومش عجبانى

دخلت جوه الاوضه، ببص بطرف عيني على الكاميرا ملقتهاش
نور بتسألنى مالك كده متسمر عنيك على السقف؟

قلتلها مفيش حاجه، اديتها ضهرى وهخرج من الاوضه قالت، أدهم
لقينا البتاعه دى متعلقه هنا، متعرفش بتاعت ايه؟ وحطت الكاميرا فى ايدي

 

 

القصه للكاتب اسماعيل موس

قلتلها معرفش الصراحه، انا مشترى الشقه جديد يمكن المالك إلى كان قبلنا

بصت ناحيتى وضحكت، ماشي يا أدهم عادى

طلعت الصاله وانا حاطط ايدى على صدرى، ازاي اكتشفت الكاميرا؟
الصاله واوضة النوم الى تغيرت الكهربه بتاعتها، باقى الشقه لا
ازاي عرفت مكانها
وهل عرفت انى انا الى حطييت الكاميرا؟

مالك؟ كانت نور خرجت من الاوضه وقعدت جنبى
انت مش على بعضك

اسلوب التلاعب النفسي بتمارسه عليه، عندى خبره كويسه فى المجال ده
نور متأكده انى انا الى حطيت الكاميرا

قلتلها شوية مشاكل فى الشغل

يا اخى الشغل ده كله مشاكل، مفيش ح. مرتاح، حاجه زفت، ربنا يساعدك على مشاكل الشغل يا حبيبى

انا هخد شاور

دخلت الحمام وسابت الفون بتاعها جنبى لأول مره من بداية جوازنا
مرضتش المسه، حرمه مكشوفه

تليفونها رن، سألتنى من الحمام مين
قلتلها هند صاحبتك

قالت رد عليها يا أدهم يمكن فيه حاجه، نور بتمارس ضغطها النفسي عليه، عايزانى انفجر

هديت نفسي ورديت، هند ازيك يا أدهم عامل ايه؟

كويس الحمد لله

طبعا الجواز طلع حلو يا بختك بنور

اه طبعا، انا محظوظ والله، نور دى حتة سكرة

مش زعلان انها كلمتني تاني؟

اصل نور قالت انك طلبت منها تقاطعنى؟

لا ابدا كل صحاب نور صحابى

يعنى انا صاحبتك؟

خدت التليفون وطلعت على الشرفه، اه طبعا يا هند ولازم تزورينا فى شقتنا انا عازمك على الغدا

انت بقيت لطيف جدا يا أدهم حصل ايه فى الدنيا؟

ان كنت اعرف شيء واحد عن هند فأنها لا ترفض علاقه جأتها بالمجان
هكذا النساء لا تتغير طبيعتهن ابدآ

على فكره يا هند صوتك حلو

الله انت بتعكاسنى يا أدهم ومن تليفون مراتك!؟

انا قصدي صوتك احلى عن آخر مره سمعته فيها

اه لو كان كده ماشي، بعدين متخفش انا مش نمامه

نور خرجت من الحمام بتنده عليه لما سمعت صوتى فى البلكونه

 

 

قلتلها انا هنا

انت لسه بتكلم هند؟

اه قلت ادردش معاها شويه لغاية ما تخرجي من الحمام

هند سألتنى فيه حاجه؟

قلت لا مفيش، انتى لسه بتروحي الجيم؟

القصه للكاتب اسماعيل موسى

ضحكت هند، ايوه طبعا، الواحده لازم تهتم بجسمها
بعد كده كملت بخباثه كل يوم الساعه عشره الصبح مش بغير ميعادى
عشره

نور وصلت عندي، هات التليفون يا أدهم كلمتنى بنبره عصبيه

اديتها التليفون، مجرد دقيقه وقفلت مع هند ورجعت عندي

بصت ناحيتى كنت بدخن سيجاره وبتفرج على التليفزيون

أدهم كل ده كلام مع هند، انت مكنتش بتطيق تسمع اسمها؟

قلت لا منا اتغيرت بقا صحابك لازم احترمهم واهتم بيهم

سحبت البطانيه فوق جسمى، على فكره يا نور انا عزمت هند على الغدا

نور انصدمت، من غير ما تقولى؟

منا بقلك اهو

ركزت عنيها عليه وقالت ماشي يا أدهم، ماشي

ظلت نور واقفه على مقربه منى، شارده عند نقطه معينه لم تتعدى قدمى

كنتو بتتكلمو فى ايه كل ده؟
ببرودة أعصاب قلتلها كلام عادى

نور، اصل مش متخيله واحد مش بيطيق واحده وبيصفها بصايعه وركزت على الكلمه شويه، يفضل يهرى معاها ربع ساعه فى التليفون

نور، حبيبتى، انتى قلتى رد على الفون، مش ذنبى يعنى، بعدين انا لازم اتغير عشانك، أحب إلى تحبيه واكره إلى تكرهيه

الراجل لازم يتغير من أجل المرأه التى يحبها حتى لو ذهب للجحيم

نور بصت فى عنيه، صراع الثبات الأبدى بين عنصرى قوه، لما كل واحد يحب يكشف إلى جوه الشخص التانى مستخبى فى العمق

اديتها النظرة إلى تستحقها، نظره غير مريحه لا يمكن كشفها

ها هتغدينا ايه يا نور؟

نور بتركز فى كلامى جدآ، عشان كده كشفت خطتى الأولى، دلوقتى بتحاول تعرف نيتى، لازم اشتتها

هتغدينا ايه نور؟
متقلقش هبهرك يا أده

نور، قعدت جنبى، كانت مش على بعضها، هند مصاحبه واحد وماشيه معاه فى الحرام

بجد يا نور؟

اه بجد، اعترفتلى مبارح

سكت مرديتش

نور، ايه معندكش تعليق؟

خايف اقول إلى جوايه تزعلى؟

لا متخفش قول….

كانت عايزه تعرف غيرت طباعى وثوابتى ولا لا، حركه حلوه وخفيفه

 

 

اديتها إلى عايزه تسمعه، دى قلة أدب على فكره، سلوك شا،ـذ

ضحكت نور، انا هقوم انام

اوك

انا كمان حاولت انام بدل من الغضب ياكلنى

عرفت الصاله إلى بتتدرب فيها هند ودي كانت اهم حاجه

الصبح خرجت بدرى، خدت معايا غيار زى رياضى ومروحتش الشغل
الساعه ٩ كنت فى صالة الجيم، عملت اشتراك وقعدت الف فى الصاله شويه

صاله رياضيه مشتركه

اول ما لمحت هند جايا اختفيت

القصه للكاتب اسماعيل موسى

هند دخلت على المشايه جريت شويه وعملت شوية تمارين للخصر
بعدها انا ظهرت فى الناحيه التانيه

كنت عارف ان البنات إلى زي هند بتمسح الصاله بعيونها كل شويه
لإرضاء الفضول، تغير المود عاده

شافتنى من بعيد، ضحكت، دلوقتى بتفكر دى صدفه ولا نيه مبيته وانا وصلت هنا عشانها

مبصيتش ناحيتها خالص، سبتها تفكر

لما لمحتها قربت، عملت تمرين غلط بكل تركيز، لقيتها قربت وبتقول مش كده يا أدهم، العضله كده ممكن تضعف

هند؟ انتى هنا…..

صمتت هند لحظه بابتسامه، كنت عارف انها بتقول فى سرها هو فاكرنى عبيطه؟

اه انا هنا زمان، انت وصلت هنا امتى وليه الصاله دى؟

هند، عايزه ترضى فضولها، مش هسمحلها، مش دلوقتى

الكابتن وشاورت ناحية المدرب، رشحلى الصاله دى لان معداتها كويسه

وصلت بعنيها عند الكابتن ورجعت، انا عملت مش فى بالى

قعدت تدينى تعليمات، اعمل كده واعمل كده، نفذت تعليماتها بصوره طبييعه

انت جسمك رياضى على فكره، شوية تمارين وهتبقى فله

وانتى كمان يا هند جسمك متناسق جدا…….

أدهم، انت ايه جيت هنا؟

هند غيرت الكلام، وانا كمان

اه كتفى……… شلت وزن غلط

هند بنبره خبيثه، أدهم؟

بصيت فى عيون هند، عندها استعداد للخيانه ولا لا؟
بعض الفتيات يمكنهمن خي،ـانة رجل، لكن إمرأه مثلها لا

عيونها عميقه، بؤبؤ عينها ثابت زى الموتى ايدها فى مكانها متوتره بثبات، مش فارق معاها

هند، ايه لحقت تمل؟

اول خطوه، نور لم تعترف لهند بما حدث بيننا ولا تعرف أننا حتى الآن مجرد اخوه

هى نور صحيتك حد يشبع منها؟

 

 

لوحت هند بيدها فى الهواء، حركه تدل على فروغ الصبر

مش بحب النوع ده من الستات ولا يمكننى الثقه به، موده متغير زى سعر الدهب

هتيجى النهرده؟

هند قالت اه طبعآ، دا انت اول مره تعزمنى، انا بفكر نروح سوه على بيتكم

سكت دقيقه وانا باصص على الأرض، بصراحه يا هند اخاف نور تفهم دا غلط، أصلها قالت انك مصاحبه واحد فى الحرام وممكن افكرها تصورلها انى بجرى وراكى، قلت كل ده ببرأه، شوكه بسيطه تحرك مشاعرها البغيضه

هند بلعت ريقها، ضحكت، انت مجنون، نور صديقتى الصدوقه، انا هكلمها بنفسي واقلها انى جايه معاك على البيت
محاولتش ترد على اتهامى مش سهله

اذا كانت صديقتها الكتومه لماذا لم تعترف لها باسرارها القبيحه؟

ام انها تعرف وتمثل على

هند كلمت نور وقعدت تضحك معاها وتهزر، بعدها رجعت قالت انت هتوصلنى على البيت، هغير هدومى وتاخدنى معاك

مفيش مشكله هند، خلصنا تمرين وقبل ما نخرج قالت استاننى لحظه هدفع اشتراك الصاله

كنت عارف انها هتسأل الكابتن وكنت مرتب كل حاجه

روحنا على بيتها، استنتها فى العربيه لد ما خلصت ورجعت
وهى نازيه كان الفون على ودنها، كانت قاصده اسمع المكالمه او الحاجه إلى هتقولها، وقفت جنب شباك العربيه، لا متخفيش يا نور، طبعآ حبيتبى هو انا عبيطه، اختبار بسيط كده هقولك على كل حاجه

لم أعلق، لم اسأل، الفضول فى غير محله يدمر كل شيء

ركبت هند العربيه، انا كنت بكلم نور على فكره، رغبت ان افهم اننى كنت اسمعها وانها كانت تقصد ذلك

ماشي….. وصلت

لاحظت ان هند كانت متغيره، هدومها مكشوفه وسيلة اغراء تقليديه
بس فيه حاجه مس فاهمها

اذا كانت هند عارفه انى فاهمها ليه لسه ماشيه فى اللعبه لغاية دلوقتى؟

ناولنى سيجاره يا أدهم، مديت ايدى على علبة السجاير حطت ايدها عليه بالغلط واعتذرت

ينتش حاجه، لازم تثق فيه، كل حاجه تهون فى طريق اكتشاف سر نور، لازم انتقم منها مهما كان التمن

ضحكت هند وانا عادى خدت الموضوع كأنه محصلش

ولعت السيجاره هند وسحبت منها، عارف الناس فاهمينيى غلط
انت كمان فاهمنى غلط او كنت وبصت ناحيتي فاهمنى غلط

الست لما تحب تمشي غلط محدش هيقدر يمنعها او يراقبها
المشكله لما الواحد بيتعامل على طبيعته بيتفهم غلط برضه

لما أقف مع واحد زميلى ابقى مصحابه وماشيه معاه فى الحرام

إلى بيمشو فى الحرام يا أدهم محدش بيعرفهم على فكره، مختفين واكتر ناس تحسهم طيبين وبرراء

لكن انا مش هاممنى كل ده، مش فارقه معايا

هند بتعبت رسايل مبطنه، ولعت سيجاره.

 

 

لكى تستحوز على إمرأه عليك ان تكون عميق، ان تملكها كلها
النساء لا يحببن الأنصاف، ان تكون مقنع لدرجه بعيده

قبل ما نوصل البيت هند قالت، أدهم انت فيه مشاكل بينك وبين نور؟
لازم تعرف انى مش ممكن اخون نور ابدآ
دي صديقتى الوحيده

دي حاجه حلوه وتبسطنى هند جواب مايع غير مرضى دفع هند لالتزام الصمت

وصلنا البيت، سبتهم مع بعض وخدت شور، مش بالساهل تاخد ثقة أنثى لديها تجارب
اول ما خرجت نور دخلت المطبخ وسابتنى مع هند، قعدت عادى اتفرج على التليفزيون
هند شافتنى ساكت، قربت منى، فيه ايه أدهم؟ انا ممكن اساعدك!

الشقه مدمره كده ليه؟
قلت، نور قررت انها تغير الكهربه بتاعت الشقه

سكتت هند، نور مس بتعمل حاجه من غير سبب

بص كده خرجت الفون بتاعها كان فيه مقطع فيديو ناشرها هند على التيك توك فى الصاله الرياضيه وكان جايب لايكات كتير من رجال وشباب ملوث
حلو جدا على فكره مشيت مع التيار

هند قربت اكتر، لزقت فيه، شايف ده وده وده، مخدتش بالى عملت ايه لانى كنت مركز فى الفيديو اول ما انتبهت لقيتها حاطه ايدها على كتفى

شلت ايدها من فوق كتفى، هند لما لاحظت كده اعتذرت، والله حركه بريئه غصب عنى انا متعوده اعمل كده مع صاحباتي
من فضلك متقولش لنور ولا تشك فى نيتى

بصيت فى وش هند، كان صادق جدآ بلا ذرة شك
قلتلها متأكد طبعا، انا عقلى مش صغير هند

ثوانى ونور خرجت مبتسمه كانت بتبص فى الفون بتاعها وبتبص ناحيت هند
خلصنا غدا وهند استأذنت وروحت، انا قلت لنور هخرج شويه

نور قالت استنى عايزه اتكلم معاك شويه

نسيت كل حاجه، قلت يمكن غيرت رأيها وحياتنا هتتعدل
ارتشفت رشفة قهوه وقالت، هند عجباك؟

اتنفضت أتى ازاي بتقولى كده؟

نور ببرود، نظراتك ليها، ملاحقتك ليها فى صالة الجيم، انت بتحاول تخلينى اغير؟
فاكر ان ده هيخيلنى استسللمك؟

نور، انتى مراتى، استسلام ايه؟ انتى قلتى انك خايفه ومرعبه وانا مستنى ظروفك تتحسن

طيب ليه سمحت ليها تحط ايدها عليك؟

انا…….. اتلخبطت فى الكلام، هند قذره للدرجه دى؟ تعمل حركه فارعه ومفضوحه!
قلت محصلش

قالت حصل والله انا متأكده، اوعى تكون فاكر انى زعلانه، احنا شكلنا كده كده هنطلق اشبع بيها

انا مش هطلقك يا نور، انتى حب حياتى وانا متمسك بيكي لازم تعرفى كده

قول الحقيقه يا أدهم، لمست كتفك ولا لا؟

قلتلها لا، كنت واثق من قدرتى على معرفة نواياى هند وكانت اخر فرصه ليه

قالت حصل يا أدهم

 

قلت لا

 

هاتى هند لو قالت إنها حطت ايدها على كتفى بموافقتى انا هسيبك تعملى إلى انتى عايزاه

كنت منتظر منها تكلم هند، مستنى الورطه تكمل انا وقعت فى الفخ وبقيت رد فعل

نور مطلعتش الفون ولا حاجه، قعظت تفكر مده طويله، قالت انا هسألها بينى وبينها اصل دى حاجات مقرفه بعيد عنك

سابتنى نور ودخلت اوضتها، انا كنت ساذج جدا، مش بعيد هند تقول انى تحرشت بيها وانتقامى يضيع

انا مش مطمنه لهند يا……، ياه لما سمعت كلمتها فى الفون وانا فى طريقى للمطبخ كأن ميه بارده نزلت فوق دماغى

هكلمها طبعآ، لكن مش مرتاحه، أدهم انكر
مقدرش اقول عرفت ازاي وخايفه هند متعترفش

دي كانت هتبقى نقطه حلوه جدا فى صالحى

بلعت ريقى، صليت العصر ودخلت على نور
نور فيه حاجه عايز اسالك عليها

نور ببرود اتفضل

القصه للكاتب اسماعيل موسى

انتى عايزه تتطلقى منى ليه؟
ليه اتجوزتينى؟ وليه بتحاولى تبعدي عنى

لو عايزه تتطلقى قوليها وانا هنفذ، مش هرغمك على حاجه

نور بغيظ مدفون، انا مش عايزه اطلق، ليه بتفكر كده، اتجوزتك ليه اصلا؟

 

وتابعنا لمعرفة بقية القصه

……………………..

شهد مؤشر الدولار الأمريكي ارتفاعا طفيفا للغاية، خلال تداولات السوق العالمي اليوم الثلاثاء؛ بدعم من ارتفاع عائدات السندات الأمريكية، وكذلك، تصريحات عضو الاحتياطي الفيدرالي بومان بشأن الفائدة، ويأتي ذلك وسط تطلع الأسواق لصدور بيانات أسعار المستهلكين في الولايات المتحدة لشهر يناير الماضي (التضخم الأمريكي) المزمع صدورها اليوم، والتي سيكون لها تأثير واضح على تداولات مؤشر الدولار الأمريكي المقبلة.

ما العوامل الداعمة لارتفاع الدولار الأمريكي هامشيا؟
لقد نال مؤشر الدولار الأمريكي دعما حال دون انهياره؛ جراء ارتفاع عائدات السندات الأمريكية، حيث سجلت عائدات السندات الأمريكية لأجل 10 سنوات صعودا بنسبة 0.02% ووصلت إلى مستوى 4.174 نقطة، وأيضا، شهدت عائدات السندات لأجل 20 سنة ارتفاعا بنحو 0.10% لتصل إلى نحو 4.481 نقطة، بالإضافة لصعود عائدات السندات لأجل 30 سنة بحوالي 0.07% لتقترب من مستوى 4.373 نقطة، مما ساهم في ارتفاع الدولار الأمريكي أثناء تعاملات الأسواق.

 

بالإضافة إلى ذلك؛ حظى مؤشر الدولار الأمريكي بدعم من تصريحات عضو الفيدرالي الأمريكي ميشيل بومان المتشددة بخصوص الفائدة، والتي أشارت فيها إلى أنه من السابق لأوانه التكهن بموعد خفض أسعار الفائدة من قبل الفيدرالي الأمريكي أو المدى الذي ستصل إليه التخفيضات المستقبلية، مضيفة بأنها لا تعتقد أنه سيكون من المناسب أن يبدأ الفيدرالي الأمريكي في خفض أسعار الفائدة قريبا، وهذه التصريحات عزز التكهنات باحتمالية أن يبقي الفيدرالي الأمريكي أسعار الفائدة مقيدة لفترة من الوقت، وهذا قدم دعما لمؤشر الدولار الأمريكي بمستهل التعاملات.

وعلاوة على ذلك؛ فقد ارتفع مؤشر الدولار الأمريكي خلال تداولات اليوم الثلاثاء، في ظل ترقب الأسواق عن كُثب لصدور بيانات أسعار المستهلكين في الولايات المتحدة (التضخم الأمريكي) لشهر يناير الماضي، والمقرر صدورها بوقت لاحق من تداولات اليوم الثلاثاء، والتي سيكون لها أثر واضح وقوي على قرارات بنك الاحتياطي الفيدرالي الأمريكي المقبلة بشأن أسعار الفائدة، بالإضافة لتأثيرها على تداولات الدولار الأمريكي المستقبلية أيضا.

كيف تأثر مؤشر الدولار الأمريكي بتلك التطورات خلال تعاملات الأسواق؟
وخلال تعاملات السوق العالمي اليوم الثلاثاء، شهد مؤشر الدولار الأمريكي (الذي يقيس أداء العملة الأمريكية مقابل سلة مكونة من ست عملات أجنبية أخرى) ارتفاعا هامشيا للغاية بواقع 0.01% ووصل إلى مستوى 104.115 نقطة.